رواية ابن ليل بقلم أميرة أسامة

بدل ما اسمعكم ربع وخلينا في المهم بقي هاااا المهم نازلين فيا تحقيق من الصبح اظن جه الدور عليا ونعرف ايه حكايه دارين وهيما وحكايه دانه ومحمد
بصوا البنات لبعض واتوترت دانه 
دره ايه فاكرين اني مش ملاحظه يعني 
دارين بأبتسامه إحراج طيب انا هقولك ومش هخبي عليكي هيما بيحبني وقالي انه بيحبني وانا قولتلك يا مامي اني كنت حابه ادي نفسي فرصه بعد اللي حصل مع ادم

دره ودي حاجه صح بس انا ملاحظه يعني انك بقيتي عارفه انتي عايزه ايه
دارين بصراحه هيما حد كويس ومش هكدب عليكي يا مامي انا حاسه بحجات حلوه ناحيته وحاسه اني بحبه بجد
دره بحب وهو بيحبك وانا متأكده من شعوره ناحيتك هيما شاب جميل واي بنت تتمناه خليكي معاه يا دارين
ديما بضحك هتبقي حماته ومرات اخوه
دره بضحك اه شوفتي بقي اللغبطه ولا لو اتجوزوا وخلفوا هبقي جدت الولاد ومرات عمهم 
دارين ايه ده تصدقوا مفكرتش فيها
دره طيب والأستاذة دانه
دانه طيب انا بقول اروح انام ونتكلم بعدين 
دره اقعدي يابت هنا 
دارين استني هنا هو في حاجه انتي مش حكيالنا عليها ولا ايه
بصتلهم دانه بإحراج
ديما احكي احكي هي جات عليكي شكلكم كلكم هتحبوا وتتجوزوا وانا هعيش مع بلبله اتعلم الطبخ
دانه ضحكت علي ديما وبعدين بصتلهم بصراحه فيه محمد قالي انه بيحبني لما كنا في المستشفي
كنت بتأسفله يعني عشان اللي حصله ده كان بسببي وكنت خاېفه يكون زعلان مني وقتها اعترفلي بحبه وأن اللي عمله ده طبيعي
دره طيب وانتي حاسه بايه
دانه بإبتسامه وهي عينها بتلمع بالدموع انا حبيت محمد من قبل الحاډثه يا مامي بس كنت مخبيه او مش عارفه اقول ده
كذا موقف حصل بينا وكل مره كنت بحس باحاسيس غريبه عليا بس كنت خاېفه اكون انا بس اللي بحبه لان هو مكانش باين عليه حاجه
بس بعد ما اعترفلي حسيت اني طايره من الفرحه وايوه يا مامي انا بحبه اوي
دره بإبتسامه ودموع سحبتها من ايدها وضمتها بحب 
ربنا يسعدك ويسعد اختك ويعوضكم عن اي حاجه شوفتوها
انا اكتر حاجه مفرحاني من قلبي اننا جينا مصر واختياركم لشريك حياتكم حد من نفس الطباع اللي اتربيت عليها شباب هتصونكم وتحبكم بجد انا واثقه فيهم وفي تربيتهم وعارفه انهم هيشيلوكم في عينهم وهبقي مطمنه عليكم معاهم
دارين بضحك طب وانتي يا حزينه مفيش حاجه بينك وبين احمد عشان نبقي استحوذنا علي شباب عيله الرفاعي كلهم
ديما بضحك لا مفيش شكلي كده هعمل زب ما قولت هفضل مع بلبله انا بحب احمد جدا والله وبحب اتكلم واهزر معاه بس هو زي اخويا وانا عارفه اني بالنسباله زي اخته اصلا احمد تحسي انه تايه ومفيش حاجه في دماغه وبصراحه انا بحبه زي ما هو كده يعني العلاقه اللي بينا كفايه اوي عندي 
دره ربنا يسعدك انتي كمان وبعدين انتي وهو لسه بدري عليكم اكيد هتلاقوا الحب لما ربنا يأذن 
انتهت قعدتهم مع بعض وخلص يومهم بكل حب وسعاده بعد ما فتحوا قلبهم لبعض 
في صباح يوم جديد دخل عمرو يشوف مريم بتعمل ايه كانت مختفيه وملهاش صوت فا قلق عليها 
فتح الباب وبص عليها وابتسم
كانت واقفه قدامها كوم هدوم وبتحاول تطبقه 
عمرو بتعملي ايه يا مريومه علي الصبح كده
مريم بطبق دولابي ده انا صاحيه من بدري
عمرو طب سيبهيم يا روحي انا هعملك كل حاجه انتي مش هتعرفي
مريم لا هعرف سونه علمتني وبعدين هي قالتلي اني لازم اعتمد علي نفسي واعرف اعمل كل حاجه وهي وعدتني كل شويه تعلمني حاجه 
ابتسم عمرو بحب وراح قعد جنبها علي السرير
عمرو وعلمتك ايه تاني 
مريم حجات كتير علمتني اربط الكوتش
عمرو اوباااااا تربطي الكوتش مره واحده وعملتها ازاي دي انا حاولت وفشلت
مريم وبقفل السوسته وقفل الزرار وبلبس الشراب لوحدي وبعرف اسرح شعري كمان
عمرو ده ايه الانجاز ده كله بقي الكام يوم اللي قعدتيهم معاكي عرفت تعلمك كل ده
مريم بضحك ايوه هي قالتلي لو بابا خدك انتي وياسين و كلتوا بره وعايزه تدخلي التويلت لازم تعرفي تقفلي الزرار و السوسته لوحدك وقالتلي لازم تساعدي بابا تلبسي الشراب والجزمه تسرحي شعرك ترتبي هدومك والعابك وعلمتني كمان ارتب السرير بعد ما اصحي 
ابتسم عمرو وحط ايده علي شعر مريم وسكت 
مريم راحت شدت الكرسي ووقفت عليه فضلت تحط هدومها اللي طبقتها وعمرو قاعد يبص عليها ومبتسم 
نزلت مريم وقفلت دولابها بعد نا رتبته ورتبت اوضتها 
مريم ممكن تيجي معايا بقي
عمرو علي فين
مريم تساعدني نعمل الفطار عشان نصحي ياسين وياخد الدواء علي فكره انا بعرف احضر الفطار بس سونه قالتلي لحد ما اكبر شويه مولعش الڼار ابدا ولازم حد كبير يساعدني وحضرتك هتساعدني 
عمرو ايوه اوعي تلعبي في الڼار ابدا يا مريم عشان خطړي اي حاجه تعوزيها انا هساعدك فيها
مريم حاضر انا هقولك تعمل ايه وحضرتك اعمل 
عمرو امممم طيب و سونه علمتك تعملي ايه بقي يا ست مريومه
مريم تعالي ورايا وانا هقولك
عمرو بابتسامه يلا بينا اما نشوف اخرتها ونشوف ايه حكايه سونه معانا من الصبح كده 
خرجت سماح من اوضتها لمحت سونه واقفه قدام المرايه ماسكه في ايدها ملمح الزجاج وسرحانه
سماح بسم الله الرحمن الرحيم ايه يا سونه مالك واقفه قدام المرايه كده ليه خضتيني
سونه في ايه يا بت انا جيت جنبك
سماح انتي مش شايفه روحك واقفه ازاي ده انا قولت شايفه عفريت 
سونه وليه السيره دي ياللي تنشكي يلا روحي اغسلي وسك علي ما احضر الفطار
سماح ايوه مفهمتش بردوا مالك واقفه ليه كده
سونه البت مريم وحشتني اليومين اللي كانت قاعده معايا فيهم لما كنت اسرحها كانت لازم تيجي تقف قدام المرايه وتشوف شكل شعرها
سماح خدي بالك بدات اغير بجد
سونه بضحك احيه عليكي هترجعي لشغل العيال تاني دي عيله يابت هتغيري من عيله
سماح طب تصدقي والله وحشتني انا كمان جميله وحنينه لما كانت تيجي معاكي المستشفي تفضل قاعده جنبي وتطبطب علي ايدي وتقولي معلش وحشتني البت دي والله
سونه لا والنبي حلو ليكي حش ليا 
سماح بضحك انا اقول عادي بس انتي متقوليش
سونه طب يلا انجري علي ما احضر الفطار
سماح ماشي 
بعد العصر دخل البنات كل واحده علي اوضتها تذاكر شويه ويعوضوا اللي فاتهم
قامت دره خرجت بره اوضتها عملت قهوه كلمت كرم شويه عرفت انه وصل المستشفي وبعدين قفلت معاه وقعدت تشرب قهوتها وهي دماغها شغاله في خدتها وبدأت خطوات الجد موبايلها رن كان بكر 
دره ايوه يا بكر 
بكر ايه الاخبار
دره الحمد لله يا بكر انت فين
بكر انا تحت في الشارع بنجيب سجاير وراجع عالدكان بس قولت نكلمك
دره طيب كويس بحسبك فوق ولا جنب حد
بكر لا اطمني كله تمام المهم المفروض حسن هيكلم يوسف انهارده صح
دره اه قولتله يكلمه بس يكون علي اخر اليوم وميكلمش سونه انهارده يكلمها بكره وهي كمان تتوه معاه بكره وتقوله اني مش فاضيه وبعد بكره يبقي كله تمام
بكر طيب تمام
المهم في حاجه
دره حاجه ايه قول
بكر احنا هنضطر نغير المكان بمكان تاني
دره طب ليه حصل حاجه
بكر لت محصلش بس انا مش بروح المكان ده بقالي كتير لانه بعيد وبصراحه معرفش ان في حواليه بيوت اتبنت يعني عليه رجل
دره طب وبعدين احنا كده مضطرين ندور علي مكان في اسرع وقت
بكر متقلقيش لا هندور ولا حاجه المكان موجود انا بس قولت اعرفك عشان تبقي معايا في الصوره
دره طيب والمكان ده تبع مين 
بكر ده تبع الحاج ارض شاريها في
مزاد من فتره طويله وبردوا معملش فيها اي حاجه كانت مخزن ومزرعه بتوع تاجر مواشي كبير بس باعهم من زمان والحاج اشتراهم
دره ايوه طب وهنروح كده عادي فين المفاتيح هتقوله ايه اوعي يا بكر تكون عرفته ولا عرفت كرم
بكر ياستي عرفت مين بس معرفتش حد المفاتيح معايا والله اصلا اغلب المفاتيح بتاعت الاراضي والمحلات وكل حاجه معايا منهم نسخه فا اطمني كله امان واحسن حاجه في حكايه تغيير المكان دي ان كل ما اسافر بنعدي من قدام المكان والدنيا زي ما هي هاديه
دره طيب تمام اوي بلغ انت بقي حسن بالتغيير ده وعرفه المكان انا مش هنعرف نكلمه عشان لو قاعد مع دعاء 
بكر انا قولتله خلاص هو اصلا كان في الدكان وناديت عليه وعرفته
دره هو ايه اللي نزله المچنون ده
بكر هو بيقول انه زهق وبقي وكويس وبعدين متقلقيش هو قدام عينا والحمد لله هو احسن
دره تمام يا بكر طيب المهم المكان ده اكيد ولا هيحصل اي تغيير تاني
بكر لا لا خلاص اكيد ان شاء الله 
دره علي خير يارب تعباك معايا يا بكر 
بكر بإبتسامه تعب ايه يا عبيطه وبعدين انا اطول اتعب لاختي ومرات اخويا 
دره ضحكت بإحراج ربنا يخليك لينا يا بكر
بكر يلا هسيبك الوقت 
دره ماشي يلا سلام
قفلت دره وقامت دخلت علي اوضتها شويه 
عدي كام ساعه كان وقت المغرب
دارين كانت قاعده بتذاكر اتصل عليها هيما 
دارين ايوه يا هيما 
هيما بتعملي ايه
دارين كنت بذاكر شويه عشان الحق ألم الحجات اللي فاتتني
هيما اممم طيب خلاص روحي كملي
دارين في ايه انت متصل عشان تقولي حاجه
هيما لا يا روحي خلاص مش مهم بعدين خلصي مذاكرتك الاول
دارين لا قول في ايه بجد 
هيما بإبتسامه اصل بصراحه كنت هقولك بصي من البلكونه عشان اشوفك
دارين بضحك بس كده حاضر بس انت ايه اللي موقفك علي رجلك مش مامي قالتلك متضغطش عليها 
هيما زهقت ومش لاقي حاجه نعملها وبصراحه انا مليش في القاعده وحتي الشغل مش عارف ننزله 
فتحت دارين الشباك بتاع البلكونه وبصت عليه 
دارين طب بص لفوق يلا
بص فوق لقاها واقفه وشعرها نازل لتحت ومبتسمه 
هيما بحب وحشتيني
دارين بكسوف وانت
هيما ماشي هنعديها حلوه منك
دارين خدت العلاج
هيما اه مها ادتهولي بعد ما اكلتني بالعافيه
دارين طيب رجلك عامله ايه الوقت
هيما احسن كتير والله انتي اللي عامله ايه
دارين انا بخير الحمد لله
هيما علي فكره كان في حاجه عايز اقولهالك 
دارين حاجه ايه
هيما انتي طلعتي جدعه اوي انتي واخواتك علي موقفكم امبارح وبصراحه انا كنت متوقع حد فيكم هيعترض
دارين دي حياة مامي يا هيما منقدرش نعترض وكمان مش بس عشان منقدرش نعترض هي من حقها تفرح وكمان كيرو من حقه يفرح بجد
هيما عارف يا دارين بس المهم انكم فاجئتوني انا شخصيا ومبسوط بيكي اوي
دارين علي فكره مامي امبارح اتكلمت معايا عنك
هيما اوبااااا ليه
دارين يعني هي تقريبا حست بيك وبيا
هيما طيب و قالت اي حاجه
دارين هي مبسوطه اوي وكمان اتبسطت عشان دانه ومحمد
هيما رفع حاجبه وبصلها وهي حطت أيدها علي بوئها
هيما بضحك ايووووه اټصدمي اوي نزلي ايدك من علي بوئك وفهميني بقي
دارين بضحك هيما انا مقولتش حاجه علي فكره
هيما خلاص هنروح نسأل محمد
دارين لا وحياتي يا هيما بلاش
هيما بحب و ايه
دارين ابتسمت بإحراج بس بقي خلينا في المهم هيما عشان خاطري اوعي تقوله احسن دانه تفكر اني فتنت عليها وتزعل وبعدين هيقولوا عني فتانه زيهم 
هيما بضحك متقلقيش مش هقول حاجه بس يعني هو في حاجه بينهم ولا ايه
دارين انا معرفش انه مش قالكم بس هو اه في وعشان خاطري اوعي تعرفه هو اكيد هيقولكم اصلا اللي حصل ده حصل في المستشفي 
هيما اه يا واطي مبتضيعش وقت انت وربنا لا هرفعك يا حمو الكلب 
دارين بضحك خلاص بقي عشان ميبقاش شكلي انا اللي وحش هو هيقولك اكيد
هيما عشان خاطرك بس يا فتانه
دارين انا مش فتانه علي فكره
هيما بحب لا خلاص انتي جميله ومش فتانه هما اللي بيخبوا
دارين اه هما اللي