رواية ابن ليل بقلم أميرة أسامة

عن الموقف ده لو هربتي منه هتلفتي النظر اكتر هو ممكن يضايق انا خرجتها من موقف محرج ومكنتش قصدي فا ليه هي بتعبد او بتتجاهلني فا ممكن تضطريه يجي يفتح معاكي الموضوع عشان يفهمك انا مكانش قاصد فا انتي بطريقتك دي تخلقي حوار في موضوع هو اصلا مسببلك احراج فا ليه كل ده انتي لو خدتي الموضوع بهدوء وبساطه وحاولتي تندمجي معاه هو واخواتك والشباب في اي موضوع انتي هتفكي وهو هينسي اصلا والدنيا هتمشي بس متهربيش يا دارين فهماني يا روحي 

دارين فهماكي يا مامي
دره ماشي يا قلب مامي يلا قومي عشان تفطري وبعدين جهزوا نفسكم عشان ننزل لبلبله ودعاء يمكن يكونوا محتاجين اي حاجه نساعدهم
دارين تمام يا مامي 
دره عايزه اشوف بنوتي قويه ومفيش اي موقف يأثر فيها ننسي اللي حصل ومهما كان اللي حصل راسك متوطيش لتحت ابدا مفهوم
دارين مفهوم يا مامي
وللحديث بقيه
أبن ليل
صاحبة البطل الواحد
أميره اسامه
البارت الرابع و الثلاثون 
نزلت دره والبنات يساعدوا نبيله ودعاء في تحضير وتجهيز العزومه 
دره طيب انا هنفضلوا واقفه كده مبنعملوش حاجه
نبيله يابت هو حد ماسكك ما تعملي اللي انتي عيزاه
دره هو انتي سايبه حاجه يابلبله ده انتي ماشاء الله تقريبا مخلصه كل حاجه
دعاء هو في زي بلبله وشطارت بلبله دي امبارح مسكت السمك كله غسلته ونضفته و جهزتله التتبيله بتاعته وحتي الكيك بتاع التورته عملته وسابته عشان يرتاح
دره صحيح ايه حوار التورته ده
نبيله يابت مش كان عيد ميلاد الولا هيما قولت نحتفلوا بيه كلنا مع بعض من زمان محتفلناش بعيد ميلاد حد فيكم
دره والله وحشتني التورت بتاعتك يا بلبله 
دعاء وانا والله المهم الوقت مفيش غير تقطيع السلطه وقبل ما يجوا بشويه نعملوا الرز عشان يبقي سخن
دره طيب سيبوا السلطات علي دارين عشان هي بتعمل شويه مقبلات تجنن ولا ايه يا دارين
دارين بأبتسامه وانا موافقه جدا
نبيله تعالي يا اختي اعملي ورينا شطارتك
ديما بلبله هو حضرتك هتزيني التورته الوقت
نبيله ايوه مش شيفاني يا بت بجهز الكريمه
ديما طيب بليز ممكن اعملها معاكي
دانه وانا وانا وانا 
نبيله يابت بس بلاش صداع هخليكم تزينوها معايا حاضر
دارين ايه ده اشمعني انا 
نبيله اه انتوا نازلين تلعبوا بقي
دارين بصراحه اه
دعاء طيب جهزي السلطات لحد ما هي تحضر حاجه التورته كلها
دارين اوك 
دعاء دره حطي اطباق الرو بلبن دي في التلاجه انا خلصتها خلاص وهروح بره اشوف الدنيا متروقه ولا فيها حاجه
دره طيب روحي وانا جايه وراكي
دعاء ماشي
دره دانه لو مش بتعملي حاجه الوقت روحي مع دعاء ساعديها
دانه اوك
دارين بلبله اكيد هتعرفيني ازاي عملتي الكيك ده انا عمري ما عرفت اظبط الكيك خالص
نبيله هو في اسهل منه هنعملوكي والمره الجايه هنقفوا معاكي نقولك علي المقادير ونسيبوكي تعملي بنفسك دي سهله اوي لو عرفتي تعمليها بالخطوات هتطلع معاكي جميله
دارين خلاص هستناكي تعلميني
ديما بس دارين بتعرف تزين حلو اوي كانت بتعمل كيك عادي وتحولوا لتوتره بيبقي شكله يجنن
دارين انا بعرف اعمل اي كيك عادي بس الكيك الاسنفجي مش بيظبط معايا
نبيله لا هيظبط مع نبيله مفيش مستحيل يابت
دره بابتسامه خليكي انتي بس وراء بلبله هتبقي احلي شيف في الدنيا يلا انا خارجه اساعدهم
خرجت دره لقت دعاء واقفه في وسط الرسيبشن وحاطه ايدها علي دقنها وكأنها بتفكر
دره مالك واقفه كده ليه
دعاء البت دانه معاها حق
دره في ايه
دعاء السفره مش هتقضي
دره بضحك وانتي لسه فاكره انها مش هتقضي دي 12 كرسي بس
دعاء مجاش في بالي خالص قعدتنا هتبقي ازاي زمان السفره كانت بتقضينا انما الوقت ماشاء الله عددنا زاد عموما مش مهم هنقسموا روحنا الرجاله تقعد علي السفره والحريم يقعدوا بره هنا
دره لا يا شيخه مش حلوه
دانه اكيد مش حلوه انتوا عازمينهم عشان كل واحد يكون في مكان
دعاء طيب هنعملوا ايه شوري علينا
دره امممم انتي مش بتحبي التنظيم والكلام ده يلا قولي فكره
دانه احنا هنا عددنا كام 
دره امممم انا وانتوا اربعه ودعاء وعبدالله وحسن كده سبعه وبلبله وبابا تسعه فاضل تلات كراسي علي السفره
دعاء احيه طيب هما
هناك 8 يعني كلنا 17 نفر ايه ملهاش حل اكيد مستحيل السفره تشيلنا حتي لو زودت كراسي من عندي
دره مستحيل طبعا حتي لو هتشيل الكراسي هتبقي جنب بعض مش هنعرف نقعد
دانه يبقي الحل نستغني عن السفره خالص 
دعاء وهناكلوا فين 
دره بضحك احنا محتاجين مائده رحمن ماشاء الله
دعاء طيب اسمعي الاوضه بتاعت السفره ماشاء الله زي ما انتوا شايفين كبيره اوي والسفره رغم ان هي كمان كبيره بس بردوا مش باينه في الاوضه انا عندي ترابزتين شبه بعض وبيتهيألي بلبله عندها هي كمان اتنين زي بتوعي بالظبط ايه رأيكم نحط منهم في السفره واهو نبقي كلنا بناكلوا مع بعض 
دانه طيب وريني كده التربيزات دي
دعاء تعالي في الاوضه اللي بلبله سيباها لاي خزين هي مش عيزاه
خدتها دعاء وراحوا علي اوضه كبيره مقفوله ديما بيتحط فيها اي زيادات او اي حاجه مش بيستخدموها ديما
دعاء اهم هما دول 
دانه حلو اوي حضرتك عندك زيهم
دعاء بالظبط نفس الشكل
دانه اشطااااا اتحلت تعالوا ورايا
دره علي فين
دعاء طيب فهمينا طيب 
دانه استنوا بس مسكت دانه الموبايل وكلمت حسن 
حسن ايه يا دانه
دانه صاحي ولا نايم
حسن لا صاحي
دانه و خالو
حسن صاحب بردا في ايه
دانه كيب ممكن تنزلوا حالا عيزاكم
حسن ماشي هنقول لابويا ونيجي
دقايق ونزل عبدالله وحسن فتحتلهم دانه ومسكت عبدالله من ايده وخدته بسرعه وراها
عبدالله يابت في ايه مجرياني وراكي ليه
دانه تعالي بس يا خالو هقولك
عبدالله بص لدره وهو رافع حاجبه في ايه
دره بضحك علمي علمك
دانه بص انا محتاجه منك انت وحسن تساعدوني نفك السفره دي وندخلها اوضه الخزين دي
عبدالله پصدمه احيه دي كانت بلبله سمعتنا اۏسخ ربع في تاريخ البشريه
دعاء بضحك انا مليش دعوه
حسن انتي عيزانا نطرد
دانه اسمعوا بس متخافوش انا هقولها ان انا اللي قولتلكم وهي لما هتشوف بنفسها اللي هعمله هتحبه اوي احنا 17 شخص مستحيل نعرف نقعد مع بعض ولو زودنا كراسي هنبقي قاعدين جنب بعض ومش عارفين نتحرك وكمان مش ظريفه اننا نقسم نفسنا وكل واحد يقعد في مكان ولو الرجاله قعدوا علي السفره زي ما دودو بتقول مين هيضايفهم ويقدملهم الاكل انت و لا جدو اكيد مش هتعرفوا 
عبدالله هو كلام حلو ومعقول بس اسمعي مني اللي جوه دي امي وانا عارفها مفتريه كله كوم وحاجتها تتلمي دي كوم تاني
حسن احيه بقي لو ازاز السفره اتكسر
عبدالله ايووووه ياريتها ترسي علي الربع ياولا 
دعاء هتقيم علينا الحد 
دره هي مش دي بنتي بس انا مليش دعوه بيها
دانه يلا بس متضيعوش وقت اخلصوا انا مس هعرف اعمل ده لوحدي يلا يا خالو جمد قلبك مش كده 
حسن بتسخنك يابا اوعي تسخن علي كلامها وقت الجد هي اول واحده هتخلع
عبدالله بضحك انت شايف كده
دره عبدالله بيسأله 
عبدالله انتي عارفه امك ترمين في الشارع ولا نلمس حاجه من بيتها
دانه بضحك خلصوا بقي هي مشغوله في المطبخ يلا قيل ما تخرج
دخل عليهم زكريا وهما بيتكلموا كان نايم شويه في اوضته
زكريا في ايه يا ولاد
عبدالله احيه اهو جه اللي هيفتن علينا وكلنا هنروحوا وراء
الشمس
دانه راحت عليه حضنته لا جدوا حبيبي مش هيعمل كده صح يا جدو
زكريا بابتسامه صح يا قلب جدوا بس نفهموا في ايه ومالكم ملمومين كده بربطه المعلم ليه
دانه انا هقولك بس متقولش لبلبله الوقت وقفت دانه تشرحله اللي هي عايزه تعمله 
زكريا طب ما البت معاها حق والله عفارم عليكي يا دانه يلا وانا هنساعدوكي كمان
دانه حبيبي يا جدو
وقفوا مع بعض شالوا الكراسي بعيد وبدأوا يشيلوا السفره من مكانها شالوا الاول الازاز بهدوء مع بعض ودخلوه حطوا بالجنب علي الحيطه ودخلوا التربيزه بهدوء شالوا الجزء الخشب اللي فوق ودخلوا وبعد كده شالوا الجزء اللي تحت
خرج حسن التربيزات وطلع جاب اللي فوق كانوا خشب باللون البني حطتهم دانه بالطول قصاد بعض بس مكانتش حابه لونهم
دانه طنط دعاء اكيد في مفارش للسفره هنا صح
دعاء اه في هنا مفارش حلوه اوي بس للسفره الكبيره
دانه طيب مش مشكله هاتيهم كده
جابت دعاء اربع مفارش كبار شكلهم شيك اوي اختارت دانه مفرش ابيض ستات في تطريز باللون السيلڤر فرشته وبدأت تظبط التربيزات من فوق وتحط الاطباق وفي النص حطت ڤازه لونها ابيض وفيها ورد صناعي باللون الابيض
وحطت الشمعدانات بتاعت الشمع وجابت الكراسي ظبطتها وزود حسن كراسي من عندهم حاولت دانه تخلي بين الكراسي كرسي من من بتوع دعاء عشان يكون في ذوق في القاعده وظبطت كل حاجه
دانه هاااا ايه رأيكم
دعاء صراحه تسلم ايدك يا دانه
عبدالله هو كده بقي تحفه والمكان هيقضي الكل بس ربنا يستر من بلبله
زكريا سيبوها عليا انا تسلم ايدك يا قلب جدك بجد الله ينور
حسن بضحك هو مش انا ساعدتك ووقفت معاكي
دانه اه
حسن بصوت عالي يا بلبله
دانه بضحك يا رخم انت بتبيعني
دره عيل ناقص
جات نبيله علي صوت حسن 
نبيله في ايه ياولا 
راحت دانه مسكت في ايد جدها ووقفت وراه
دانه ايه رأيك يا بلبله
نبيله في ايه ومالكم واقفين كده ليه
دعاء احيه دي مخدتش بالها
دانه يييسس يبقي نجحت 
حسن بصي انا هنعترفلك من الاخر دانه شالت السفره بتاعتك في الاوضه وحطت بدالها التربيزات
نبيله برقت وبصتلهم احيه انتوا شلتوا السفره بتاعتي من مكانها
دانه طيب اقنعيني بس يا بلبله الكراسي 12 واحنا عددنا 17 كنا هنقعد ازاي
نبيله ما كان الرجاله قعدوا لوحدهم واحنا قعدنا هنا لوحدنا
دانه بصت من وراء جدها طيب بذمتك انتوا بتقولوا دي اول عزومه بعد سنين كتير ينفع اول عزومه متتجمعوش علي سفره واحده
بصت نبيله علي الكل وابتسمت وحطت ايدها تحت دقنها 
دانه بلبله ضحكت يبقي الفكره عجبتها
نبيله شوفي هي عجبتني و مخدتش بالي انها مش السفره اصلا بس ودين محمد لو ما رجعت سفرتي بعد العزومه مكانها لا هنروقوا علي الكل وانتي اولهم
دانه لا متقلقيش هنرجع كل حاجه مكانها
زكريا هنرجعولك كل حاجه متقلقيش
نبيله ماشي وعموما جدعه يا بت 
حسن جدعه يا بت!! 
وانا اللي قولت هتمسكي شعرها تعمليه زعافه
نبيله وانت بتتحشر ليه يا ناقص
دانه أحسن يا فتان
دره جبته لروحك اشرب بقي
حسن يعني الحق عليا خاېف علي بيتك
عبدالله علي فركه يا بلبله الولا ده كان
بيساعدنا
حسن مانا ساعدتها عشان اقنعتني بس لازم نقول لبلبله عشان تعرف ان وراها رجاله
عبدالله رجاله خايبه غور ياولا من قدامي عيل فتان
خرجوا كلهم من الاوضه بعد ما جهزوها وظبطوها ودخلوا البنات مع نبيله عبي المطبخ عشان يكملوا تزيين التورته 
دره بأبتسامه جميله تصدقي يا بلبله ان مجاش في بالي خالص ان دارين ورثت منك موضوع تزيين التورت ده
دارين لا دارين ايه دي بلبله بجد شكلها بتحب الموضوع ده اوي
ديما بصراحه ايوه التورته بدأ شكلها يظهر
نبيله زمان كان نفسي افتح محل للتورت والجاتوهات امي كانت شاطره اوي في عمايل الكيك كانت تعمله هي وانا اقوم ازينه بأي حاجه موجوده في الاول مكانش بيطلع حلو اوي بس مهما كان شكل الحاجه اللي بتعمليها حتي لو مش احسن حاجه بتفرحي وبتحسي انك عملتي أنجاز كبير امي كانت تقعد تطبلي وتقولي حلوه ومفيش بعد كده كنت بنفرح وبنصدقها كلام امي اللي خلاني نحب الموضوع اكتر وطلبت منها تعلمني الكيك بيتعمل ازاي بوظته مرتين والشهاده لله عمرها ما اضايقت كانت تقولي عادي لازم تبوظي عشان تعرفي تظبطي ايدك بعد كده كانت تقولي ان الوصفه لما تتقالك وتنفذيها مش شرط تظبط معاكي زي ما ظبطت مع غيرك ممكن تطلع معايا مظبوطه ومعاكي لا عشان كل واحد