رواية ابن ليل بقلم أميرة أسامة

محمد خلاص والله انا ارتحت شويه
محمد عارف انك ارتحتي بس انا بنقولك مش هينفع توطي يلا اخلصي رجلي وجعتني
احمد بضحك اخلصي الولا رجله هيجيلها شد عضل هو كمان
ابتسمت دانه وحطت رجلها وللحظه حست انها اتخطفت وحست باحساس اول مره تحسه في حياتها كلن غريب عليها وفي نفس الوقت استغربت نفسها لان هي لا بتهتم بالمشاعر دي ولا حتي دي شخصيتها بس الموقف وكلام محمد و حتي لمسته لرجلها لغبطوها لبست بسرعه وفضلت باصه عليه وهو بيربط الرباط

قام وقف وبصلها وهو مبتسم اي خدمه معاكي دكتور محمد للعلاج السريع وهنستناكي في الاستشاره
ابتسمت دانه بإحراج
دانه ميرسي يا محمد 
محمد طب ايه محاضراتكم امته
ديما يا خبر يلا فاضل خمس دقايق
احمد طب يلا بسرعه احنا كمان عندنا محاضره 
مشيت دانه جنب ديما من غير ما تنطق كانت بتبص علي محمد بطرف عينها وعندها حاله من الاستغراب لنفسها ليه الموقف فرق معاها ليه لما قالت هتلبس هي رفض ليه نظرته الغاضبه نسبيا لما قالها هتوطي قدام الناس فرقت معاها
عشان اول مره تحس ان حد أهتم بيها وغار عليها عشان اول مره تعيش الاحساس ده رغم ان لا هي اظهرت قبل كده اي مشاعر تجاه محمد ولا محمد اظهر اي مشاعر ليها وحتي لما عمل الموقف ده مكانش باين عليه اي حاجه غير انه اتصرف تصرف عادي بس الموقف عموما اثر في دانه كانت مبسوطه من جواها وفي نفس الوقت مستغربه موقفها هي من الشعور الجديد اللي اول مره تحس بيه 
مر حوالي خمس ساعات ودره مش عارفه توصل لكرم لا موبايله اتفتح ولا ظهر وكلمها واول مره تحس بالعجز مش عارفه تتصرف ولا عارفه تعمل ايه عشان تطمن عليه ولا قادره تكلم حد عنده وتسأله هتتصل تقولهم أيه وبأي حق هتسأل عليه للحظه ندمت انها طلبت منه يخبوا موضوع رجوعهم لبعض وإلا كان زمانها متصله وبتسأل عليه قررت تبعتله رساله تانيه وصوتها المرادي كان باين عليه القلق والحزن 
دره كرم انت فين بجد بقي طمني حرام عليك انا من الصبح هنتجنن ومش عارفه ازاي نوصلولك قولي فيك ايه يا حبيبي حرام عليك بجد انا من الصبح مش عارفه نركز في الشغل بسبب خۏفي عليك 
اتنهدت دره وسابت الموبايل علي المكتب حطت ايدها علي راسها كانت مصدعخ ودماغها راحت لألف سيناريو اوحش من بعض واولهم ان والد منصور ورجالته يكونوا عملوا في حاجه الفكره نفسها خلت قلبها اتنفض وبسرعه مسكت موبايلها واتصلت علي مها وقررت زي ما تيجي تيجي 
مها ايوه يا دكتوره حنيتي عليا يابت واتصلتي 
دره بابتسامه حاولت تكون هاديه انا لو عليا مكنتش عبرتك بعد اخر موقف بس يلا خليها عليا
مها تقومي متسأليش عني تاني يا واطيه
دره كنت بنطمن عليكي من بكر وكرم وعيالك
مها بضحكه عبيطه كانوا بيقولولي
ولو مكنتيش عملتي كده كنت سمعتك ربع
دره ما كفايه ارباع بلبله هيبقي انتي وهي
مها وانا اجي فين جنب ربع امك يا بت 
دره هتقوليلي المهم بنقولك ايه 
مها قولي
دره بإرتباك حاولت تخفيه علي قد ما تقدر اااا انا كنت بنتصل بكرم عشان كنت عايزه نسأله علي حاجه بس موبايله مقفول من بدري متعرفيش هو فين
مها كرم تحت من الصبح في الدكان
دره لما نزلت الصبح مكانش موجود وكمان بنتصل من بدري موبايله مقفول
مها منعرفش والله يا دره اللي اعرفه انه تحت بس يمكن يكون راح مشوار شغل او في المزرعه انتي عيزاه في ايه
دره اااا لا اصل يعني كنت عايزه نجيب للولا هيما هديه وعرفت من البنات ان هيما مهتم بعربيته اوي فا قولت نسأل كرم علي هديه تنفع للعربيه وهو اكيد عار ذوقه 
مها امممم يا بختك يا عم هيما عموما انا هنكلم بكر وهنرد عليكي
دره ماشي تمام مستنياكي 
قفلت معاها دره وغابت عنها مها حوالي عشر دقايق وبعدين كلمتها 
ردت دره بسرعه 
دره ايوه يا مها 
مها كلمت بكر يا دره هو قال انه خرج من بدري بعد ما فتحوا الدكان مع بعض وقاله رايح مشوار ساعه وراجع بس مرجعش من وقتها وهو كمان بيتصل بيه وموبايله مقفول
دره يعني ايه في مشكله معاه ولا ايه
مها لا مشكله ايه انتي هتقلقيني ان شاء الله خير
دره بقلق واضح طيب بالله عليكي يا مها لو اطمنتي عليه او عرفتي اي حاجه طمنيني
ابتسمت مها بهدوء 
مها طيب هنطمنك يا دره متقلقيش
ارتبكت دره من كلمه مها ومعرفتش ترد عليها 
دره ااا طيب تمام يلا هقفل الوقت ماشي
مها ماشي سلام
دره سلام 
قفلت دره و جربت تاني وفضل موبايل كرم مقفول وهي ھتموت من القلق 
فات حوالي ساعتين كمان ودره بقت علي اعصابها خلصت شغل وخرجت ركبت عربيتها وطلعت علي المارينا وقررت تنزل تشوفه بنفسها 
نزلت وقربت من اللانش مكانش في اي حد والانوار بتاعته مقفوله سألت واحد قاعد علي كرسي وهو اللي بيحرس المكان بس قالها انه مجاش انهارده ولا ظهر شكرته دره وطلعت علي فوق تاني
واول ما طلعت لمحت كرم بيقرب علي السلم 
كرم دره بتعملي ايه هنا
دره پغضب رفعت حاجبها انا اللي بنعمل ايه هنا طيب الاول جاوبني علي اسألتي اللي بنسألهالك من الصبح 
كرم في ايه اهدي شويه ووطي صوتك
دره ده اللي فارق معاك يا كرم مش فارق معاك اني من الصبح بنحاول نوصلك وموبايلك مقفول و من الصبح وانت مش في الدكان وجيت علي هنا قبل الشغل بصينا عليك وانت مختفي ده انا من كتر ما انا كنت هنتجننوا اتصلت علي مها وسالتها عليك وقولت زي ما تيجي تيجي وهي كمان طلعت متعرفس عنك حاجه واتصلت ببكر قالها انك من بدري طالع مشوار وهو كمان مش عارف يوصلك
خلصت دره كلامها وبصت علي الشارع پصدمه ومركزتش في كلامه
كرم انا نزلت من بدري كنت بنخلص كام مشوار للشغل وروحت المزرعه وفي مزاد قريب كنت بنشوفه وبنجمع تفاصيل عنه و بعدين من اول ما نزلت موبايلي وقع مني وفصل خالص ومعرفتش حتي نروح نشوف جراله ايه عشان كنت مشغول
فضلت دره عينها علي
الشارع وساكته وقلبها بيدق پعنف بسرعه والڠضب ماليها اكتر
كرم ايه في ايه
دره بصتله پغضب انت متأكد من اللي بتقوله ده
كرم في ايه يادره وانا هنكدب ليه
دره انت كنت مع سونه يا كرم
كرم نعممممم سونه ايه اللي كنا معاها انتي دماغك فيها ايه
دره بص وانت تعرف
بص كرم مكان ما شاورت كانت سونه عدت اول شارع ووقفت علي الرصيف عشان تعدي الشارع التاني 
كرم بصلها وسكت
دره ايه سكت ليه مش عارف تتكلم طبعا صح انا من الصبح ھنموت عشان نوصلك ونطمنوا عليك والف سيناريوا جه في بالي وكنت ھنموت من الخۏف عليك و رغم اني قولتلك محدش يعرف بموضوعنا الوقت قررت اني نتصل بمها ونسألها عليك وانت مقضيها مع سونه يا كرم
كرم پغضب بسيط دررررره خدي بالك من كلامك
دره لا مش هناخد بالي يا كرم ولا انت الكلام وجعك عشان علي راسك بطحه
كرم انا علي أخري و لحد الوقت ماسك روحي عشان منزعلكيش بس كلمه زياده ورب العباد يا دره لا هنزعلك بجد
دره بصتله وهي عينها فيها دموع لكن مسكت نفسها تمام يا كرم لا تزعلني ولا نزعلك انا اللي غلطت من الاول اعمل اللي علي كيفك يا كرم انا مين اصلا
عشان نقولك بتعمل ايه ومبتعملش ايه انا مين عشان نقلقوا عليك هاااا انا مين اصلا عشان نحاسبك
مشيت خطوه وقبل ما تاخد التانيه مسك كف ايدها پغضب
كرم لما نكون بنكلمك تقفي ومتسبنيش وتمشي انتي فاهمه
دره وانا مش هنقف يا كرم الكلام خلص معنديش حاجه نقولها خلاص اللي كنت عايزه نعرفه عرفته
كرم پغضب عرفتي ايه
دره عرفت انك كويس وبخير ويومك شكله كان حلو
نفخ كرم پغضب وحاول يمسك نفسه وبعدين بصلها
كرم يادره 
يا دره خدي بالك من كلامك متعصبنيش و اتكلمي زي باقي الخلق
دره انت مالك متعصب كده ليه عشان انا غلطانه و فاهمه غلط ولا عشان معايا حق وانت مش عارف تقول ايه ده انت حتي من بتحاول تبررلي اي حاجه
كرم انا مبنبررش يا دره عشان المفروض يكون في ثقه ولا انتي معندكيش ثقه فيا
دره اللي نعرفه يا كرم لما حد فينا يكون فاهم التاني غلط الطرف التاني لازم يبررله مش عشان ثقته فيه مش موجوده بس يكفي انه يريحه لما شوفتك اول مره وانت رايح عند سونه يومها بررتلي اللي حصل وانا صدقتك
لما حسيت اني زعلت منك جيت لحد بابي في وقت متأخر عشان بس تبررلي ومنبقاش زعلانه او فاهمه اي حاجه غلط
فرقت ايه المرادي يا كرم هااا المرادي شايف ان تبريرك ليا عدم ثقه ليهوليه اضايقت اوي كده انا من بدري هنتجنن ونطمن عليك بكر قال انك قولت ساعه وراجع وميعرفش ليه اتاخرت كده مها متعرفش عنك حاجه وانا كل السيناريوهات الوحشه جات في بالي واولهم ان ابو منصور ورجالته اتعرضولك عديت الصبح والوقت علي ابن ليل عشان نشوفك نزلت سألت عليك الحارس وفي الاخر نطلع نشوفك قدامي فجأه جاي علي ابن ليل وفي اليامه التانيه سونه بتعدي الشارع صدفه صح مابين المارينا و شارعنا نص ساعه ايه سونه جات ده كله عشان تتمشي عادي صدفه بردوا ان وقت ما الاقيك تكون انت كمان هنا وفي الاخر بتكلمني عن الثقه 
كرم وهي فين الثقه دي في كلامك يا دره انتي خلاص رسمتي سيناريو في دماغك وصدقتيه عيزاني نبررلك ايه بقي خلاص خليكي مع السيناريو الجميل ده
دره بجد ده اللي ربنا قدرك عليه صح تمام يا كرم براحتك بس انا قبل ما نمشي هنقولك علي حاجه اتعلمتها في حياتي لما كنا بنعمل حاجه مش صح ويجي اي حد يسألني كنت بنعمل زيك كده ونهرب لان وقتها مبيبقاش في حاجه نقولها بنتصدم لما نتسأل ومنعرفش نقول ايه وبسرعه بنهربوا ونقعدوا شويه مع نفسنا نفكروا في اي كدبه نقولوها ونرجعوا تاني للي سألني ونحاول نراضوه ونقعنه بكدبتي بالظبط زي ما انت بتعمل الوقت عايز تهرب عشان مش لاقي حاجه تقولها ولما هتقعد شويه مع نفسك وتفكر في كدبه هتيجي وتقولي ده حصل كذا وكذا طبعا دي الكدبه اللي هتحاول تقنعني بيها بس انا بنقولك يا كرم اللي عملها زمان مش ممكن يصدقها لما تتعمل فيه وانا مش هنصدقك يا كرم لو مقولتش الوقت
كرم انتي كمان شايفه اني كداب 
طيب بالمناسبه دي قوليلي كدبتي عليا في ايه زمان وحاولتي تقنعيني بيه ادام انتي شاطره اوي في الكدب
بصتله دره