رواية ابن ليل بقلم أميرة أسامة

زي ما هرجعه وانتقم منهم هما الاتنين واخليهم يعيشوا زي الشحاتين 
دره غلطان يا بكر اه دينا كانت العقل المدبر وهي اللي دمرتنا وډمرت حياتنا بس بيتهيألي احسن حاجه في كل اللي هي عملته ده انها بانت علي حقيقتها وربنا كشفها قدامي عشان اعرف انها مش صاحبه وانها اكبر عدو ليا بس كمان يابكر انا لو هعمل كده هعمل كده لسببين مهمين 
اولهم والدها الراجل ده كان حد كويس معايا جدا وليه أفضال كتير اوي عليا وانا إكراما ليه هو بس مش هاخد منها حاجه اما تاني سبب فاهو اڼتقام من يوسف
دينا لما تعرف اني خدت كل مليم من يوسف وانه بقي علي الحديده مستحيل تكمل معاه وبكده هيبقي لوحده ومش بس هيبقي علي الحديده ده هيبقي بطوله ولا معاه فلوس ولا بيت ولا شغل ولا حتي دينا اللي باعنا عشانها

بكر طيب
حلو اوي بس بردوا انتي ليكي عندها حق ازاي هتسبيها وبعدين لما تغلط ومتتعاقبش يبقي خسړت ايه
دره مين قالك انها مش هتتعاقب ومش هتخسر انا صحيح هسيبلها فلوس ابوها اللي دخلت بيها شريكه مع يوسف بس لما اخد من يوسف كل اللي حيلته الشركات لازم تتباع عشان اخد منها نصيب يوسف وعشان الشركات دي تفضل موجوده قدامها حاجه من اتنين لو معاها تشتري نصيبه تشيل بس هي فلوسها كلها في الشركات ومعندهاش سيوله تشتري نصيب يوسف فا هتبقي مضطره انها تكون مجبره علي دخول شريك جديد خالص يلحق الشركه قبل ما ټنهار وبردوا هي مش هتقدر تعمل كده ولا هتقدر تثق في حد وفي نفس الوقت دينا متقدرش تدير الشركات من غير شريك فا وقتها الشركات كلها هتتباع ومش هتخرج دينا غير بنفس المبلغ اللي دخلت بيه شريكه لاني هاخد منها كمان الارباح وبكده ابقي قفلتها عليها من كل ناحيه وډمرت الكيان بتاعهم في ضربه واحده وزي ما قولتلك دينا مش هتقعد لحظه مع يوسف ولا هتفكر انها تشيله في محنته ودينا مش من النوع اللي تقدر تشغل فلوسها ولو فكرت تشارك اي حد سهل يضحك عليها
بكر هي فكره حلوه بس بيتهيألي اللي تفكر في كل المصاېب دي دماغها مش هتعطل وهتقدر تشغل فلوسها
دره والله جايز بس لو قدرت تعمل كده وتلاقي بديل ليوسف ميتهيأليش يوسف لما يحس انه خسر كل حاجه وحتي هي موقفتش جنبه ويكتشف وشها الحقيقي اللي دمرته وډمرت بيته 
هيسيبها صدقني يوسف لما يخسر كل حاجه مش هيبقي عنده اللي يبكي عليه و لو بقي عندها جزء بسيط من الذكاء شطارتها تهرب عشان يوسف مش هيسمي عليها وھيقتلها ابتسمت دره بشړ وبصت لبكر
بيتهيألي كده ابقي انتقمت منها ودمرتها زي ما دمرتني وجبت حقي منها بعيد عن فلوسها لانها متهمنيش هي لعبت مع يوسف علي فلوسي وانا هلعب مع يوسف بس علي حياتها مش علي فلوسها
بصلها بكر وابتسم بحزن وهز راسه 
بصت دره لفوق وهي بتاخد نفس طويل عينها كلها ۏجع وقلبها كله ڠضب 
بكر انتي كويسه
دره نزلت راسها بهدوء وبصتله بإبتسامه هبقي كويسه يا بكر هبقي كويسه 
بكر وانا واثق انك هتبقي كويسه واحسن من الاول يا دره ولازم تعرفي اني اخوكي وفي ضهرك وعمري ما هنسيبك ومعاكي في اي حاجه 
دره وانا عارفه يا بكر من غير ما تقول وده اللي مطمني بس هنرجع ونقولهالك تاني يا بكر كرم وعبدالله ميعرفوش اي حاجه عشان خاطري انا مش هقدر انفذ اي حاجه غير وهما بعيد كفايه وجودك انت وحسن وسونه تمام يا بكر
بكر تمام يا دره اطمني محدش فيهم هيعرف حاجه وانا مأكد علي حسن وسونه كمان انهم ميقولوش اي حاجه لاي حد
دره حلو واكد عليهم تاني وتالت خلينا ماشيين زي ما احنا والوقت بقي جه معاد يوسف
مسكت موبايلها وفتحه وبصت لبكر 
بكر ايه هتكلميه
دره بسخريه هو اللي عايزني مش انا خساره في المكالمه
ضحك بكر وبصلها 
دره ربنا يكفينا شړ كيد النسا ده انتوا اللي يجي عليكم ميكسبشيا جنس حوا 
دره بضحك جنس حوا مفيش اطيب ولا احن منه بس اللي يفكر بس انه يجي عليهم لا شيطان الانس ولا شيطان الجن يقدر يقف قدامهم
بكر بإبتسامه طيب انا بنقول نقوم بقي نطلعلهم ونسيبك تتكلمي مع يوسف براحتك بدل ما تتحولي عليا انا غليان وعندي عيال عايز نربيهم
بمجرد ما اتفتح موبايلها ووصل ليوسف اشعار انه اتفتح اتصل عليها بصت دره علي الموبايل وابتسمت بشړ 
دره مش قولتلك هيتصل يلا روح انت خليني نعرف نستفزه كويس 
بكر بضحك سلام الله يكون في عونه 
دره برفعه حاجب بره 
بكر خرجنا يا ست متزوقيش 
خرج بكر وساب دره لوحدها خدت نفس طويل وخرجته بهدوء وبعدين ردت علي الموبايل بكل برود
دره نعم
يوسف هو في ايه يا دره بالظبط كل ما هحاول اكلمك هلاقيكي قافله موبايلك 
دره قولتلك قبل كده توطي صوتك وانت بتكلمني واظن اني بردوا قولتلك انا حره اقفل موبايلي افتحه ارد عليك مردش دي حاجه تخصني
يوسف بنفاذ صبر اللهم طولك يا روح ماشي يا دره انتي حره بس انتي عارفه اني عايزك
دره في ايه هو في كلام بينا اصلا
يوسف هو الكلام اللي بينا مخلصش يا دره هو انا لحقت اقولك اي حاجه دره
انا جايلك لحد عندك عشان نحل اللي بينا ده ومش همشي غير لما تديني فرصه اثبتلك حسن نيتي
دره بضحك حسن نيتك هي النيه موجوده بس حسنها مش موجود 
يوسف يادره انا جاي وماددلك ايدي لو مش عشاني عشان البنات اللي بينا اكيد مش حلوه لما يلاقوا امهم واقفه في وش ابوهم وبعدين هما لو عرفوا اني في ضيقه وعملت كل ده عشان كنت مضطر هيزعلوا منك انتي ومش بعيد يقفوا قدامك بس انا اللي مش عايز اعمل كدم عشانك مش عارزك تخسري البنات انتي عارفه انهم بيحبوني وان كلامهم ده كان مجرد زعل بس لو عرفوا الحقيقه اكيد هيقدروا ده وموقفهم هيتغير من ناحيتي 
دره بضحكه سخريه انت مصدق نفسك دول مدولكش فرصه حتي تدافع عن نفسك ولا سمعوك لما قولتلهم انك كنت متورط ومش بس كده وقفوا قصادك و هانوك قدام الكل انت مش مكسوف من نفسك دول مش طايقين يبصوا في وشك 
يوسف ياستي ملكيش دعوه باللي بيني وبين البنات في النهايه دول بناتي وانا عاذرهم هما لسه صغيرين وعاطفتهم مسيطره عليهم خلينا احنا نحلها مع بعض ولما كل حاجه ترجع زي ما كانت هبقي اقعد معاهم وافهمهم كل اللي مريت بيه 
دره انت عايز ايه يا يوسف
يوسف عايز اقعد معاكي في اي مكان انتي تختاريه بس نكون لوحدنا هفهمك كل حاجه بالتفصيل وانا واثق انك هتفهميني يا دره زي ما طول عمرك فهماني 
دره تصدق بالله واللي خلقني وخلقك يا شيخ انا اكتشفت اني فهمتك فعلا بس مؤخرا وان طول السنين اللي فاتت مكنتش فهماك وكنت عبيطه بس يلا خيرها في غيرها خلينا في المهم وطلبك مرفوض لا هنقابلك ولا هنسمعك يا يوسف والكلام بيني وبينك خلص من يوم ما حطيت رجلي في مطار امريكا وحقي مش هتنازل عنه وهاخده منك
يوسف يادره انتي كده بتقفليها خالص واللي بتعمليه ده في خطړ عليكي وعلي البنات
دره ايه بتهددني انا وبناتك يا يوسف
يوسف انا مش پهددك انا اقصد ان المستثمر لو فلوسه مرجعتش مش بعيد يأذيكم
دره ويأذينا احنا ليه هو يعرفنا بيتهيألي انك خاېف علي نفسك يا يوسف مش علينا وانا انصحك فعلا تخاف علي نفسك
مش علينا
يوسف دره كفاينا مناهده ارجوكي اديني فرصه طيب بصي نتقابل ونتكلم ولو فضلتي مصممه علي موقفك يبقي خلاص كفايه انك سمعتيني 
دره والله كان نفسي يا يوسف بس خساره وقتي اللي هضيعه معاك وياريت بقي تريح نفسك وتشوف مصلحتك انا مش هقابلك ومش هسمعك والقضيه هتفضل مرفوعه واه صحيح بطمنك انا موقفي في القضيه دي نسبه نجاحه 100٪ وهاخد حقي منك فا بنصحك تسافر بقي وتشوف شغلك اصل بصراحه صعب تخسر فلوسي اللي سرقتها وكمان تهمل شغلك وتخسره
يوسف بنبرة شړ يعني ده اخر كلام عندك يا دره
دره بإبتسامه أستفزاز و معنديش غيره يا جوز الست
يوسف پغضب تمام يا دره وافتكري ان انتي اللي اختارتي انا كلمتك مره واتنين وتلاته وجيت لحد عندك بس انتي اللي رافضه اتحملي بقي
دره يلا مستنيه اشوف رد فعلك
يوسف هتشوفيه يا دره بس اوعدك انك هتلحفي بيه طول العمر
دره قولتلك مستنيه ومن غير سلام 
قفلت دره في وشه الموبايل وسابته علي المكتب وخدت نفس طويل خرجته بهدوء مخيف 
دره قولتها يا يوسف وكنت علي حق انت هتبقي الفعل وانا هبقي رد الفعل و استحمل رد فعل دره الجمال 
خرجت دره من مكتبها وطلعت علي فوق تشوفهم وتعرف بكر بهدوء انه كلمها وكل حاجه ماشيه تمام 
مها حمد الله علي سلامتك يا حبيبي الف حمد وشكر ليك يارب 
بكر الحق بتقولك يا حبيبي
محمد ايه غيران ولا ايه 
بكر بضحك لا يا خويا هنغير من ايه انا بس مستغربها 
مها احيه عليك مش ابني وكنت خاېفه عينه يحصل فيها حاجه
دعاء الحمد لله عدت علي خير
نجوي ربك كريم ومبيردش دعاء والحمد لله سمع دعوتنا اللي كانت من نصيبك
محمد ربنا يخليكوا ليا يا نوجا
عبدالله ولا يا محمد انت شوفت بيها بجد لما كشفوا عليك ولا حاسس بحاجه غريبه
محمد لا والله تمام هي فيها زغلله بسيطه بس الدكتور قالي بسبب الچرح والعمليه وكمان عشان بقالي كام يوم قافلها فا ده طبيعي 
عبدالله طيب الحمد لله وإن شاء الله كلها كان يوم والزغلله دي تروح خالص 
رفاعي طيب وربطوها تاني ليه 
محمد مش عارف والله بس الدكتور قال لكرم ان
يومين كمان واقدر افكها عادي بس لما يشوفني تاني
رفاعي علي خير يارب 
دخلت عليهم دره وهي مبتسمه
دره حمد الله علي سلامتك يا محمد 
محمد الله يسلمك يا دره 
مها يا اختي انتي مبتتعبيش ده انا تعبتلك سلف يابت تعالي اقعدي وارتاحي شويه
دره بضحك ولما نقعد مين يطمن علي العيانين 
مها يعني لما تقعي من طولك هيبقي كويس ما في غيرك كتير يشوفهم ويطمن عليهم 
دره انا بمر علي كل اللي عملتلهم عمليه او كنت ماسكه حالتهم لان تقريرهم معايا انا
عبدالله ربنا يكون في عونك يا حبيبتي بس انا شايف ان العدد هدي عن الاول ولا ببتهيألي
دره لا هدي كتير للحمد لله كرم قال لمعظم الدكاتره اي حد حالته اتحسنت يتكتبله علي خروج عشان يفضوا مساحه لو حصل اي حاجه او لو حد اتحجز بعيد عن الحاډثه كمان عدد المرافقين بالزيارات اللي بتيجي للمصابين كتير اوي
نجوي صراحه اه اول يومين المستشفي كانت علي بعضها
دره بس الحمد لله راقت مبقاش في غير اللي كان عامل عمليات وحالتهم خطيره وبس
مها احسن خليها تروق ده من يوم الحاډثه انتي وكرم مروحتوش خالص ولا ارتاحتوا بتاخدوا دش وتغيروا هنا ده انا لو مكانك كان زمان جالي اڼهيار
دره طب ما انتي وبكر قاعدين زينا
مها بس قاعدين مرتاحين انتوا واقفين علي رجلكم من اول الصبح لحد بليل
دره نعمل ايه