رواية ليتك تعلم ما بقلبى بقلم اماني السيد

يا حبيبتي نامى كويس وماتشغليش بالك بأى حاجه تانيه 
تصبحى على خير يا قلبى 
نور وانت من اهل الخير 
تانى يوم الصبح نور راحت الشركه واتفاجئت ب 
تاتى يوم فى القصر عند زين زين صحى بدرى ونزل اول واحد وطلب من الشغاله انها تطلع تصحى مامته وخديجة عشان يفطروا واستناهم على السفره 
نزلت خديجه وورده عشان يفطروا اتفاجئوا بزين قدامهم منتظرهم على السفره 
زين صباح الخير مالكم واقفين كده ليهة
ورده صباح الخير يا حبيبي انت عامل ايه انت كويس 
زين اه يا حبيبتي الحمد لله زى الفل مش هتعدوا تفطروا ولا ايه 
ورده اه يلا اقعدى يا خديجه عشان نفطر 
زين على فكره يا ماما قرايه فتحه نور الجمعه الجايه
ورده الف مبروك وعقبالك يا حبيبي هتتخطب لمين لمازن صح
زين مش ساهله انتى يا ورده يا مفتحه عينك على كل حاجه ربنا يديمك دايما مفتحه معانا كده على طول . وبعدين بص لخديجه 
ايه يا ديجا مابتكليش ليه 
خديجه زورت من اسلوب معاها والغريب عنها
خديجه انا بفطر اهو 
زين طيب كلي كويس علشان عندنا شغل كثير النهارده
خديجه شغل ايه
زين .ببراءه . شغلك يا خديجه انت نسيتي انك شغاله معايا وقرب منها وغمز لها مش عايزين نزعل ماما بقى افطرى يلا هستناكي عشان نروح الشركه سوا 
خديجه ما كانتش عارفه تتصرف ازاي غير انها تسمع كلامي حاسه ان زين بيقتحمها بشكل مخليها مش عارفه تفكر ازاي واضح ان زين عارفها اكتر من نفسها
زين دخل الشركه قابل قدامه سليم ويوسف داخلين هما كمان طلب زين من خديجه تروح مكتبها ومتخرجش منه لحد ما يطلبها بنفسه 
دخل يوسف وزين وسليم مكتب زين 
زين ازيك يا سليم جيت بسرعه يعنى متاخرتش 
سليم ظبطت الدنيا هناك ونزلت مع يوسف واحتمال كبير اسافر اخر الاسبوع تانى اتاكد ان كل حاجه تمام
زين ربنا يعينك وانت يا يوسف عامل ايه منور الشركة
يوسف منوره بصحبها 
زين كنت عايزك فى موضوع شخصى واتمنى انك تقولى الحقيقة 
سليم طيب انا هقوم اخلص كام حاجه ورايا 
زين هزله راسه بمعنى تمام وبص ليوسف احكيلى بقى يا جو تعرف سلمى من امته ووصلتوا مع بعض لحد ايه 
يوسف انا كنت عايز احكي لك عنها من وقت ما كنا في شرم بس كنت قلقان انك ما صدقنيش
زين احنا اللي بينا كتير مش عشره ياوم يا يوسف عشان اكدبك
يوسف من حوالي سنتين
الا كنت مروح وخبطت واحده وطبعا ما كانش ينفع اسيبها وامشي اخلاقي ما تسمحش اني اعمل كده حجزتها في المستشفى فضلت حوالي اسبوع في غيبوبه وبعدين فاقد وكان عندها كسر في ذراعها وشرخ في رجليها المهم انها قدرت تجذبني ليها وكانت صعبانه عليا عشان كانت تقريبا لوحدها حتى مامتها وجودها زي عدوي ففضلت معاها فتره من غير ما باين دقيقه شخصيتي الحقيقيه وهي طبعا كانت ممثله ممتازه كانت بتمثل انها مش عارفاني وكنت لما اجيب لها هديه غاليه تقول لي ليه كلفت نفسك ورجعها ومش عارف ايه فطبعا شدتني ليها اكتر لحد ما حبيتها ما تستغربش انا حبيتها وبحبها لحد دلوقتي لحد ما في مره كنا عايزين في كافتيريا تليفونها رن وانا استاذنت ادخل الحمام وخرجت بسرعه لان الحمام كان فاضي لقيتها كانت لسه بتتكلم على التليفون وجيت من وراها من غير ما تاخد بالها وسمعتها وهي بتكلم واحده اسمها نهى دي صاحبتها وبكلمها عني وعن حواراتها معايا واللي بتعمله وكانت بتسالها عليك كانت بتقارن بيننا مين معاه فلوس اكثر عشان تروح له ولما سبتها بعد ثلاث شهور لقيتها معاك في شرم الشيخ واتفاجئت بيها هناك
بس هي دي قصتي مع سلمى ولا ازيد
زين تمام يا صاحبي انا مصدقك لانها برده في بدايه تعرفنا عملت كده بالظبط وده اللي خلاني احسها مختلفه واقرب منها الحمد لله انها اتكشفت على حقيقتها قدامنا
يوسف طب يا سيدي هتبدا امتى تصميم القريه بتاعتي اللي انا عايزه انفذها بلس ان انا عايز خديجه هي اللي تعمل التصميم
زين هبدا فيها الاسبوع الجاي ان شاء الله الاسبوع ده مشغول بحاجات كثير قوي واهمها خطوبه نور
يوسف مبروك يا زينه عقبالك هي خديجه دلوقتي عند ليان ولا في القصر
زين ما تشغلش بالك بخديجه يا يوسف ما تشغلش بالك هي موجوده عندي في القصر اصل القصر ده بيتها واستحاله تسيبه او انا اسمح انها تسيبه حتى 
يوسف طيب تمام سلم لي عليها كثير لحد ما اشوفها ان شاء الله
زين مع السلامه يا يوسف نورت
سليم في الوقت ده راح لخديجه مكتبها وطلب منها انها تتصل على ديان وتعزمها على الغداء
خديجه ما انا لسه كنت معاها امبارح هكلمها واعزمها على غدا النهارده ليه
سليم ومين قال لك ان انت اللي هتروحي تتغدي معاها يا خديجه
خديجه نعم امال ايه عايزني اقول لها نتغدى سوا واسيبها واعمل فيها مقلب وما اروحش ولا اعمل ايه
سليم لا انا اللي هروح اتغدى معاها
خديجه طب ما تكلمها انت على طول يا سيدي وتعزمها على الغداء بتدخلني انا ليه ويمكن تزعل مني
سليم لا انا عايزه اعمل لها مفاجاه كلميها انت ما تخافيش مش هتزعل منك انا واثق
خديجه امري لله واتصلت بريان وعزمتها على الغداء وما جابتش سيره سليم
خديجه ادينا فزت كلامك اهو ارتحت 
سليم اوى اوى يا خديجه شكرا ليكى 
زين دخل عليهم وهما بيهزروا 
زين ايه يا سليم هو انت نقلت شغلك عند خديجه ولا شغلك اللي محتاج تخلصه ده مع خديجه
سليم لا كنت عايزها في موضوع
زين موضوع ايه 
سليم بعدين يا زينو بعدين وضحك وسابه ومشى 
زين بص لخديجه كان عايزك في ايه خديجه
خديجه موضوع شخصى
زين نعم موضوع ايه الشخصى ده ان شاء الله اللى كان عايزك فيه ومن امته فى بينكم مواضيع شخصية
خديجه هو يبقى يقول لك عشان الموضوع يخصه
زين بقى كده ماشي يا خديجه ما انا كده كده هعرف
بقول لك يا خديجه انا عملت لك اذن ساعه هنمشي انا وانت بدري النهارده عشان منتاخرش على ماما عشان تعبانه 
خديجه لا انا هروح لوحدي 
زين لا ما ينفعش يا خديجه بس انا عايزك في موضوع مهم واحنا مروحين هقوله لكء
خديجه حاضر يا زمبي هي اوامر تانيه 
زين قرب منها اوى وبعدين استغفر وبعد عنها تانى بسرعه وسابها ومشى 
واتصل بعد كده على نور يطلب منها حاجه 
زين ازيك يا نور عامله ايه
نور ازيك يا زين عامل ايه
زين بقولك يا نور كنت عايزك تعمليلى ..................
نور نعم
زين نور بقولك عايزك تفصليلى فستان زفاف مقاس خديجه يكون كبير ومنفوش ششبهه بتاع الملكات بتوع زمان ويكون اوف وايت مش ابيض وطرحه اوف وايت طويلة جدا وحوليها جبير لونه دهبى ومترصعه بالالماظ
والفستان يكون ساده خالص من غير ديل ويكون فى لمعه بسيطه ومن عند الصدر الماظ تقيل نازل على خفيف ومن الديل برضو كده يكون خفيف نازل على تقيل 
نور انت بتتكلم جد كل ده لخديجه مش لحد تانى 
زين اه نور لخديجه واهم حاجه عايزه خلال اسبوع
نور هحاول يا زين اضغط نفسى عشان خاطركوا وهكون اسعد واحده لانكم اعز الناس